Манчестер Сити испадна од Лига купот откако загуби со 2-1 од Тотенхем, но повеќе од поразот, менаџерот Пеп Гвардиола може да биде загрижен за сериозните повреди на неговите играчи.
Шпанскиот стручњак сакаше да одмори некои играчи на натпреварот против Тотенхем, но брзо стана јасно дека нема што да прави.
Мануел Аканжи се повреди веќе на загревањето, па Рубен Дијаш мораше да го започне натпреварот на негово место.
Во 63. минута Савињо се повреди и на носилки беше изнесен од теренот, но тоа не беше крајот на проблемите за граѓаните.
Јошко Гвардиол влезе во игра на полувремето, а потоа се фати за препоните и падна, а неговиот тренер прв му пријде на помош. Тренерот Пеп Гвардиола за англиските новинари изјави дека на дефанзивецот му била укажана помош и во соблекувалната.
„Не знам точно што не е во ред со него. Не разговарав со него. Сите беа на масажа, па тој беше зафатен. Беше премногу метеж. Така што не ги знам деталите“, изјави Гвардиола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
