Дефанзивецот на Рома , Марио Хермосо заработи повреда на мускулот на последниот тренинг на тимот. Почувствувал болка и не можел да ја заврши активноста, бидејќи прогнозите не се премногу добри, пишува „Газета дело спорт “.
Прегледите покажаа дека Хермосо мора да мирува најмалку 10 дена. Ова значи дека тој нема да може да игра на следните два натпревари на тимот против Верона во Серија А и Унион Сен Жилоа во Лига Европа.
Лоша вест за тренерот Иван Јуриќ, кој се надеваше дека ќе може повторно да го искористи Хермосо, кој го пропушти последниот натпревар со Торино поради суспензија со црвен картон. Сега на Шпанецот му истече казната, но тој повторно е надвор од тимот поради добиената повреда.
Во најдобар случај, 29-годишниот дефанзивец ќе може да настапи на натпреварот против Болоња на 10 ноември. Меѓутоа, ако дотогаш не се опорави целосно, најверојатно нема да го видиме да игра дури по паузата за националниот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
