Барселона игра одлично на почетокот на сезоната и по 11 одиграни кола се наоѓа на врвот на табелата во Ла Лига со дури шест бода повеќе од второпласираниот Реал Мадрид, но финансиската состојба во клубот и натаму е катастрофална.
Поради финансиите, под знак прашалник е кои играчи ќе можат да се пријават за пролетниот дел од сезоната, а шпанските медиуми наведуваат дека Дани Олмо би можел да биде изоставен од списокот на играчи кои ќе конкурираат за вториот дел од сезоната.
Имено, голем проблем за Барселона е доцнењето на исплатата на спонзорските бонуси кои требаше да обезбедат дополнителни 60 милиони евра, а Олмо кој летово пристигна од РБ Лајпциг за 55 милиони евра има валидна регистрација само до крајот на декември оваа година.
Доколку до крајот на оваа година не се исплатат парите од спонзорските бонуси, Барселона во пролетниот дел од сезоната ќе мора да влезе без Олмо, кој постигна три гола на четири натпревари во Примера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
