Никола Јокиќ продолжува со импресивните изданија на стартот од новата сезона откако актуелниот МВП стигна до нов трипд-дабл. Денвер за противник ја имаше екипата на Оклахома Сити која не знаеше за пораз сезонава, но Јокиќ и компанија одиграа одличен меч и стигнаа до минимална победа од 124-122. Србинот одигра уште еден импресивен дуел со 23 поени, 20 скокови и 16 асистенции, надополнети со две блокади и две украдени топки.
Одлична вест за Денвер е што во ритам влегува и Расел Вестбрук, па експлозивниот центар во отсуство на повредениот Мареј презеде поголема одговорност во нападот реализирајќи 29 поени. На спротивната страна 29 поени имаше Вилијамс, еден повеќе во однос на Шеј Гилџус Александер.
Далас ја оправда фаворитската улога против Чикаго триумфирајќи со 119-99. Лука Дончиќ го заврши мечот со 27 поени и 13 асистенции, Кајри Ирвинг имаше 17 поени за Далас, додека најефикасен кај гостите беше Вучевиќ со дабл-дабл од 14 поени и 10 скокови.
Бостон беше шокиран на домашен терен од Голден Стејт со 112-118, само втор пораз за актуелниот шампион сезонава додека „воините“ се пријатно изненадување со ско 7-1 по првите осум одиграни натпревари. Стеф Кари со 27 поени и 9 асистенции беше главна фигура во победничкиот тим, а на Бостон не му помогна ниту одличното издание на Тејтум и неговите 32 поени.
Резултати НБА:
Шарлот – Детроит 108-107, Индијана – Орландо 118-111, Атланта – Њујорк 121-116, Бостон – Голден Стејт 112-118, Хјустон – Сан Антонио 127- 120, Мемфис – ЛА Лејкерс 131-114, Њу Орлеанс – Кливленд 122-131, Далас – Чикаго 119-99, Денвер – Оклахома Сити 124-122, Феникс – Мајами 115-112, ЛА Клиперс – Филаделфија 110-98, Сакраменто – Торонто 122-107.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
