Во претходните недели Џонатан Мотли беше една од актуелните теми во европската кошарка, а сега, очигледно, го добивме и конечниот исход. Бегалецот Американец, кој го напушти Израел „под превезот на ноќта“ и се врати во татковината во Хјустон, за да го чека раскинувањето на договорот со Хапоел Тел Авив, ќе мора да се врати во тој клуб.
Иако веќе се „виде“ дека ќе добие хартии и ќе потпише за некој од евролигашите, а меѓу првите во низата беше Црвена звезда.
Според израелскиот портал „Спорт 5“, ФИБА во понеделникот официјално испратила писмо до Хапоел и посочила дека Мотли не може да се смета за слободен агент и дека не се прифаќа неговото еднострано раскинување на договорот.
Да потсетиме, одличниот центар побара раскин поради војната во Израел, но Светската куќа на кошарката го одби тоа барање за да не стане правило меѓу сите играчи од завојуваниот Израел и Русија.
Сега Џонатан Мотли ќе мора да се врати во клубот и кај соиграчите од кои јавно се откажа, а големо прашање е како ќе биде примен од нив.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
