Финансиската нестабилност која ја дрма Барселона веќе со години и понатаму не стивнува. И покрај тоа што многумина велат дека клубот оди кон стабилизација, се чини дека на каталонците им е потребна финансиска помош за нормално функционирање во продолжението од сезоната.
Па така доколку Барселона не најде 50 милиони евра нема да може да го регистрира летното засилување, Дани Олмо за настапи во 2025 година, пренесуваат шпанските медиуми.
Олмо му се приклучи на каталонскиот тим од Лајпциг во трансфер вреден 55 милиони евра кој со бонуси ќе достигне над 60 милиони евра, а ги преседе првите натпревари од сезоната поради неможност за регистрација.
Во полза на Барселона беше фактот дека според правилата можеше да искорити 80 отсто од износот одреден за платите на повредените Роналд Араухо и Андреас Кристенсен, но со нивата рехабилитација на Барселона и требаат 50 милиони евра за да може да го регистрираат Олмо по 31. декември.
За таа цел треба да помогне договорот со Најк кој наскоро се очекува да биде реализиран. Според него за продолжување на соработката на Барселона и следат 100 милиони евра, а на годишно ниво до 2038 година по 125 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
