Македонската репрезентација дојде до четвртата победа по ред во групата во Лигата на Нации, и го обезбеди првото место во групата, и пласман во Б сегментот. Ако имаше некакви дилеми пред овој меч, тогаш сите беа отстранети, и не само што не загубија со голема разлика, туку остварија нова победа со чиста мрежа.
Селекторот на Македонија, Благоја Милевски по мечот изјави дека е тешко да се добие тим кој се брани со сите…
„Честитки за моите фудбалери пред се поради истрајноста на денешниот меч и трпението. Тешко е да се победи тим кој се брани со многу играчи позади. Момците беа решени да го добиеме овој натпревар. Жал ми е што не искориствиме неколку шанси да го завршиме мечот порано. КОга играте против тим со многу густа одбрана, многу малку простор има за вашите напаѓачи. Но со својата посветеност сите фудбалери на мечот ја одиграа својата улога. За дефанзивата нема што да кажам задржавме „нула“ и на овој меч“, изјави Милевски.
Сега Македонија во недела (17 ноември) против Фарските острови ја очекува последниот натпревар, во кој ќе се бара повторно победа со која националниот тим со сериозни шанси ќе се надева на бараж за пласман на СП 2026.
„Три бода во недела ќе ни донесат испишување на нова историја и можност за пласман во бараж за Светско првенство 2025. Наше е да дадеме максимум во недела и да стигнеме до победа, па потоа ќе видиме што ќе покаже вкупниот број на бодови на сите првопласирани екипи од сите четири сегменти во Лигата на нациите“ – истакна селекторот Милевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
