Кошаркарите на Денвер нагетс без Никола Јокиќ не можат да слават ниту против Њу Орлеас пеликанс, тим на кој буквално целата стартна петорка е повредена. Синоќа Нагетси во „НБА купот“ загубија на гостувањето кај Пеликанс со 101-94.
Брендом Инграм со 29 поени беше прво име во таборот на победникот, додека кај поразените Мајкл Портер Џуниор уфрли 24 поени.
Залудна беше рекордната вечер на Диарон Фокс кој постигна 60 поени, откако неговиот Сакраменто кингс загуби на домашен терен од Минесота тимбервулвс по продолженија со 126-130. Покрај Фокс кој уфрли 60 поени кај „кралевите“ се истакна и Домантас Сабонис со 23 поени. Кај победникот Ентони Едвардс заврши со 36 поени.
Во останатите мечеви од синоќешната понуда: Торонто – Детроит 95-99, Орландо – Филаделфија 98-86, Индијана – Мајами 111-124, Сан Антонио – ЛА Лејкерс 115-120, Њујорк – Бруклин 124-122, Кливленд – Чикаго 144-126, Атланта – Вашингтон 129-117, Оклахома – Феникс 99-83, Хјустон – ЛА Клиперс 125-104 и Голден Стејт – Мемфис 123-118.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
