Традицијата вели дека Македонија од осамостојувањето се немаше сретнато со Фарските Острови се до март 2023 кога селекторот Милевски закажа пријателски меч токму со овој ривал.
Македонија важеше за фаворит, но нашата селекција долго се мачеше да го скрши отпорот на гостите. На крајот, тоа му успеа на Бојан Миовски, кој влезе во игра во 54. Минута на местото на Несторовски, за девет минути пред крајот да ја затресе мрежата на Фараните и да донесе победа на „црвено-жолтите“.
Новото издание во Лигата на Нации го почнавме токму со долго патување до Фарските Острови, каде на теренот на вештачка трева во Торшавн ремизиравме 1-1 со овој ривал.
Невниманието во нашата одбрана беше казнето и домаќините поведоа од пенал на самиот почеток, но Македонија успеа да израмни на стартот од второто полувреме, Барди биеше прецизно од белата точка откако Алими беше фаулиран во противничкиот шеснаесетник. Двете селекции имаа шанси до самиот крај, но овој наптревар заврши со израмнети 1-1.
Јасно е, Македонија ќе оди на победа на овој меч за успешен крај на ова издание на Лигата на Нации, со надеж дека воедно ќе биде и подобрен просекот од еден постигнат гол по натпревар.
ПРИЈАТЕЛСКИ НАТПРЕВАР (27.03.2023)
МАКЕДОНИЈА – ФАРСКИ ОСТРОВИ 1-0 (0-0)
Арена: „Тодор Проески“ во Скопје. Стрелец: Миовски 81’. Ж.Картони: Балдвинсон, Петерсен, Едмундсон (Ф.О.)
МАКЕДОНИЈА: Шишковски, С. Ристовски, Ристевски, Алиоски, Велковски (79’ Манев), Етеми (69’ Бабунски), Атанасов (70’ Елези), Барди, Чурлинов (79’ Ашковски), М. Ристовски (54’ Елмас) , Несторовски (54’Миовски)
Селектор: Благоја Милевски
ФАРСКИ ОСТРОВИ: Рејнатрод, Соренсен, Ватнсдал (46’ Едмундсон), Давидсен, Балдвинсон (72’ Фаеро), Јоенсен (84’ Олсен), Јонсон (62’ Јохансен), Ватнхамар, Андреасен (72’ Мнени), Радосављевиќ (62’ Соренсен), Петерсен.
Селектор: Хакан Ериксон
УЕФА ЛИГА НА НАЦИИ(7.09.2024)
ФАРСКИ ОСТРОВИ – МАКЕДОНИЈА 1-1 (1-0)
Арена: „Торсволур“ во Торшавн. Стрелци: Давидсен 9’ (п) – Барди 49’ (п). Ж. Картони:
ФАРСКИ ОСТРОВИ: Рејнатрод, Давидсен, Чуквуди (46’ Ашкам), Едмундсон (66’ Јустинусен), Даниелсен, Јоенсен (66’ Микелсен), Олсен (84’ Јоханесен), С. Ватнхамар, Г. Ватнхамар (84’ Кнудсен), Соренсен, Едмундсон.
Селектор: Хакан Ериксон
МАКЕДОНИЈА: Димитриевски, Серафимов, Муслиу, Илјазовски (46’ Алиоски), Димоски, Митровски (46’ Ќамили), Алими, Барди, Чурлинов (77’ Илиевски), Елмас, Миовски.
Селектор: Благоја Милевски
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
