Иднината на Пеп Гвардиола на клупата на Манчестер Сити е веќе извесна, откако шпанскиот тренер се согласил да го продолжи договорот на уште една сезона, односно до јуни 2026 година, пренесуваат англиските медиуми.
Гвардиола има договор до крајот на сезоната, и неизвесно беше дали ќе остане или ќе го напушти кормилото на „граѓаните“.
Во моментов тимот на Пеп заостанува пет бодови зад првопласираниот Ливерпул во Премиерлигата, и одбраната на титулата е загрозена, но раководството му верува и го наградува со нов договор.
Договорот ќе биде исто така со опција за продолжување и до 2027 година.
Гвардиола е дел од Манчестер Сити од 2016 година, и испиша историја со овој тим, освојувајќи ги сите титули кои можеше да ги освои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
