Женската ракометна репрезентација на Македонија ги почна подготовките за Европското првенство кое што во декември ќе се игра во Унгарија, Австрија и Швајцарија.
Нашите дами немаа среќа во ждребот, бидејќи во групата во Дебрецин ќе се сретнат покрај со домаќинот уште и со Шведска и Турција. Репрезентативниот голман Јована Мицевска даде свое мислење за нејзините очекувања од настапот на континенталниот собир.
„Ни остануваат уште десет дена за подготовки. Најпрво треба да останеме здрави и добро да се подготвиме. Полека се комплетираме, атмосферата во репрезентацијата е на високо ниво. Желбата е голема затоа што не е мала работа да се игра на Европско првенство. Навистина е голема чест да се претставува својата држава на едно вакво натпреварување. Верувам во нас. Верувам дека сите ќе го дадеме максимумот. Нормално дека имаме амбиции и сакаме да направиме што е можно подобар резултат за нас и за Македонија“, изјави Мицевска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
