Кошаркарите на Денвер Нагетс го победија Лос Анџелес Лејкерс на гости со резултат 127:102. Во третиот дел од мечот Денвер го најде вистинскиот ритам за победа над Лејкерси кои по серијата од шест победи го забележаа вториот последователен пораз.
Изедначениот почеток беше показател за возбудлив натпревар во Лос Анџелес. Во првиот дел екипите наизменично се менуваа во водство со мала предност, но на крајот резултатот беше во корист на Денвер – 31:29.
Нагетс продолжија во добар ритам и во втората четвртина и набрзо стигнаа до најголемата предност во претходниот дел од играта – 36:29. Лејкерси ја презедоа контролата и на полувремето имаа шест поени предност – 63:57.
Третата четвртина Денвер ја започна многу подобро офанзивно, а тоа веднаш се одрази на резултатот. Најпрво играчите на Нагетс го намалија водството на Лејкерси, а потоа стигнаа и до двоцифрена разлика. На крајот од оваа фаза од натпреварот Денвер имаше предност од 94:78, иако во неколку наврати разликата беше уште поголема.
На почетокот од решавачкиот период Денвер дојде до предност од дури 23 поени – 103:80, што навестуваше дека ќе има убедлив триумф.
Никола Јокиќ беше најефикасен со 34 поени, 13 скока и осум асистенции за 37 минути на паркетот. Погоди 12/20 од поле и три пати беше прецизен од линијата за три во седум обиди. На Јокиќ му недостигаа две асистенции да го израмни рекордот на Меџик Џонсон по број на трипл-дабл – 138 против Лејкерси.
Jokić always puts on a show 🤩
💥 34 PTS
💥 13 REB
💥 8 AST
💥 A Nuggets W pic.twitter.com/m0mbiqMAB8— NBA (@NBA) November 24, 2024
Неверојатен натпревар одиграа Сан Антонио и Голден Стејт. На крајот триумф на Сан Антонио со 104:94, иако пред последната четвртина губеа со дури 10 разлика, а во еден миг во третиот период Голден Стејт имаше предност и од 17 поени разлика. Сепак, „ѕверот“ во себе домашните го разбудија во последниот период кој го добија со дури 33-13, за на крајот убедлив триумф.
РЕЗУЛТАТИ:
Орландо – Детроит 111-100
Чикаго – Мемфис 131-142
Хјустон – Портланд 98-104
Милвоки – Шарлот 125-119
Сан Антонио – Голден Стејт 104-94
ЛА Лејкерс – Денвер 102-127
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
