Освојувачка на 14 олимписки медали ја заврши кариерата

  • Екипа
  • 25.11.2024 / 18:42
  • СПОДЕЛИ:

Австралиската пливачка Ема Мекион објави дека става крај на кариерата. Таа освои 14 олимписки медали на Игрите во Рио 2016, Токио 2021 и Париз 2024 година – шест златни, три сребрени и пет бронзени. Со 14 олимписки медали, таа е најодликуваната спортистка во Австралија.

Триесетгодишната Австралијка претходно посочи дека Игрите во Париз, каде што го освои златото во штафетата на 4 x 100 метри слободно, ќе бидат нејзините последни Олимписки игри во кариерата.

„Горда сум на себе што дадов апсолутно сè на мојата пливачка кариера, и физички и психички. Сакав да видам на што сум способна и направив “, напиша Ема  Мекион на социјалните мрежи.

„Пливањето ми даде толку многу. Сонот започна на петгодишна возраст, па се до моите трети Олимписки игри. Толку многу лекции, пријателства, спомени…“, додаде таа.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...