Еден од најдобрите и најуспешните борци во историјата на УФЦ, Џон Џонс, ќе го одложи своето пензионирање.
Џон Џонс, веројатно најдобриот ММА борец во историјата, го победи Стипе Миочиќ во неговата последна борба (минатиот викенд) за да го одбрани својот појас на УФЦ во тешка категорија.
Џонс сè уште го држи рекордот како најмлад шампион на УФЦ досега, има најмногу одбранети појаси и цела деценија никој не можеше да го победи во полутешка категорија, а делува „брутално“ и во тешка категорија.
„Моментално сум во преговори со компанијата УФЦ. Разговараме за плановите и за тоа што не очекува во иднина, а за ова време се враќам во теретана и редовно тренирам. Се чувствувам одлично, тимот ме поддржува и е целосно со мене, па ќе бидам подготвен за секоја шанса што ќе ја добијам“, изјави Џонс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
