Комплетирано е и петтото коло во Лигата на Шампионите, по кое Ливерпул останува осамен на врвот како единствен тим со перфектен скор во досегашниот дел од елитното европско натпреварување.
Веднаш зад „црвнеите“, со два бода заостанување е Интер, зад кого следат Барселона и Борусија Дортмунд со по 12 бода, па Аталанта со 11…
Шокирајќи делува долниот дел на табелата, каде Реал Мадрид по вечерашниот пораз на „Енфилд“ се наоѓа на катастрофалното 24. место (веднаш зад Динамо Загреб), последна позиција која води во нокаут-разигрувањето. „Кралевите“ во следната рунда ќе му гостуваат на тимот на Аталанта, а со оглед на повредените играчи (вечерва предвреме мечот го заврши и Камвинга) шпанскиот гигант ќе има големи проблеми да ја прекине серијата слаби резултати во ЛШ.
Уште полош од Реал е тимот на ПСЖ, кој има само една победа и едно реми, со прескромни три постигнати гола во првите пет рунди од Лигата на Шампионите и се наоѓа веднаш зад Реал, на 25. позиција на табелата.
Само три тима се без ниту еден освоен бод по првите пет рунди, изненадувачки еден од нив е Лајпциг на нашиот Елиф Елмас, заедно со Јанг Бојс и со Слован Братислава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
