Атланта го приреди најпријатното изненадување во богатата програма во НБА-лигата, славејќи на гостински терен против Кливленд со 124-135, нанесувајќи му го вториот пораз на тимот со најдобар скор на стартот од сезонава. Кливленд имаше перфектен учинок на домашен терен во пресрет на овој дуел, но пресудно беше второто полувреме во кое гостите постигна 74 поени (31-37, 29-37) и заслужено стигнаа до победата.
Во главна улога беше гостинскиот плејмејкер Тре Јанг, кој реализираше 20 поени, но имаше и рекордни за него во кариерата 22 асистенции. Хантер со 26 и Џонсон со 22 поени искористија најмногу од оваа партија на Јанг, па на Кливленд му помогна ниту одличното издание на Донован Мичел и неговите 30 поени.
Далас и без помошта на Лука Дончиќ најде начин да го запре Њујорк, славејќи со 129-114. Њујорк игра извонреден напад во последните седмици, па затоа импресивно делуваше одбраната на Далас во првата четвртина во која гостите за 12 минути постигнаа само 15 поени (28-15). Далас продолжи да доминира и на полувреме замина со водство од 60-38, Њујорк заигра подобро во нападот (43 поени само во последната четвртина), но веќе беше доцна за камбек во натпреварот. Брансон со 37 поени за Њујорк беше најефикасен во гостинскиот тим, а најзаслужни за победата на Далас беа Маршал со 24 и Ирвинг со 23 поени.
Никола Јокиќ го предводеше Денвер до триумф на гостувањето против Јута со убедливи 103-122. Српскиот центар го заврши мечот со дабл-дабл од 30 поени и 10 скокови, надополнети со седум асистенции.
ЛА Лејкерс како гостин триумфираше во Сан Антонио со 101-119, најефикасен беше Кнехт, Дејвис стигна до дабл-дабл од 19 поени и 14 скокови, додека Лебон Џејмс оствари нов трипл-дабл, завршувајќи го дуелот со 16 поени, 10 скокови и 11 асистенции.
Резултати НБА:
Шарлот – Мајами 94-98, Кливленд – Атланта 124-135, Индијана – Портланд 121-114, Орландо – Чикаго 133-119, Филаделфија – Хјустон 115-122 (по прод.), Вашингтон – ЛА Клиперс 96-121, Далас – Њујорк 129-114, Мемфис – Дeтроит 131-111, Минесота – Сакраменто 104-115, Њу Орлеанс – Торонто 93-119, Сан Антонио – ЛА Лејкерс 101-119, Феникс – Бруклин 117-127, Јута – Денвер 103-122, Голден Стејт – Оклахома Сити 101-105.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
