Напаѓачот на Манчестер Сити, Фил Фоден, рече дека не е изненаден од формата на Ливерпул и неговата борба титулата оваа сезона. Тој кажа дека „црвените“ се во оваа форма затоа што се помалку „под лупа“.
Неговиот тим оди на пресметката на „Енфилд“ со осум бодови помалку од Ливерпул, и тоа откако тимот од Енфилд смени тренер, и на местото на Јирген Клоп на почетокот на сезоната дојде Арне Слот.
„Лично, не сум изненаден од тоа колку е добар Ливерпул. Сезонава не ги сметаа многу луѓе, и зборуваа дека Сити и Арсенал се главните фаворити, и тоа што не зборуваа многу за нив, мислам дека им помогна, односно имаа помал притисок. Направија добра работа, и со тимот што го имаат, не сум изненаден што се борат за титулата. Ние и во минатото покажувавме „бавен почеток“, а потоа се консолидираме. Очекувам така да биде и сега. Битката за титулата не е завршена“, рече Фоден.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
