Кошаркарите на Далас маверикс продолжуваат со одличните игри во НБА лигата без услугите на својата прва ѕвезда, Лука Дончиќ кој поради повреда веќе подолг период е надвор од терените.
Далас синоќа славеше без поголеми проблеми на гостувањето кај Јута џез со 94-106. Кајри Ирвинг со 30 поени беше убедливо најдобриот поединец во таборот на победникот, додека кај поразените Лаури Марканен заврши со 19 поени.
Во дербито на вечерта Феникс санс славеше на домашен терен против Голден Стејт вориорс со 113-105. Девин Армани Букер со 27 поени беше прво име кај победникот, додека кај поразените 23 поени уфрли Стеф Кари.
Во останатите мечеви од синоќешната понуда: Шарлот – Атланта 104-107, Детроит – Филаделфија 96-111 и Милвоки – Вашингтон 124-114.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
