Натпреварот меѓу Фиорентина и Интер и официјално нема да се доигра денеска откако страшни сцени се случија на дуелот кој се играше на „Артемио Франки“.
Младиот фудбалер на домаќините Едоардо Бове колабираше на теренот, по што мораше да дојде медицинска помош. Тој веднаш беше пренесен во болница, додека останатите играчи и целиот стадион со солзи ја проследија целата ситуација.
Данило Каталди беше меѓу првите што интервенираше за да му помогне на својот соиграч Едоардо Бове, ставајќи ја раката во устата за да го придвижи јазикот и со тоа да избегне блокирање на дишните патишта.
Госенс исто така беше меѓу првите што дојдоа, додека капитенот Раниери имаше жестока расправија со брзата помош бидејќи возилото не влегло на теренот, Димарко исто така побрза да се обиде да го забрза спасувањето.
Од моментот на срцевиот удар до транспортот до болницата Кареги поминале околу 4 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
