Едоардо Бове , кој колабирал за време на првенствениот натпревар помеѓу Фиорентина и Интер, се согласил да има инсталирано дефибрилатор за да помогне да се спречи нов срцев удар, пренесува La Repubblica.
По операцијата се претпоставува дека ќе биде отстранета заканата по неговото здравје. Сепак, според италијанските национални упатства за спортска медицина и кардиологија, спортистите со дефибрилатор не се соодветни за учество во натпреварувачки спортски активности. Затоа ќе треба да замине од оваа земја. Ова ги надополнува шпекулациите кои се појавија пред нешто повеќе од 24 часа дека е многу можно Бове да биде надвор од теренот.
Фудбалерот моментално се наоѓа на одделот за кардиологија, а циклусот тестови за утврдување на дефинитивна дијагноза продолжува. Тој покажа стабилизација и дури можеше да го гледа натпреварот на Фиорентина од Копа Италија против Емполи на 4-ти декември (среда).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
