Ниту новиот менаџер Рубен Аморим не знае „лек“ за Манчестер Јунајтед доживувајќи го вториот пораз во низа и под негово водство, сега од на „Олд Трафорд“ од Нотингем Форест со 2-3 (1-1) во натпревар од 15. коло на Премиер лигата.
Никола Миленковиќ уште во втората минута од средбата ги донесе гостите до предност, за да во 18. минута Расмус Хојлунд израмни на 1-1.
Морган Гибс-Вајт во 47. минута донесе нова предност за Нотингем Форест, а само седум подоцна Крис Вуд веќе стрелаше и за 1-3.
Капитенот Бруно Фернандеш единствено во 61. минута успеа да ублажи за конечни 2-3. Домаќините не успеаја до крајот да најдат пат до мрежата на гостите барем за бод.
Нотингем Форест по полни 30 години успеа да победи на „Олд Трафорд“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
