Никола Јокиќ продолжува да дели кошаркарски лекции во НБА-лигата откако српскиот центар испиша нова историја – со два најдобри врзани меча во низа во најсилната кошаркарска лига во светот. Еден ден откако постигна 56 пени, 16 скока и 8 асистенции против Вашингтон, Србинот синоќа повторно блескаше, предводејќи го Денвер до убедлива победа од 111-141 на гостувањето против Атланта.
Тој го заврши дуелот со 48 поени, 14 скокови и 8 асистенции, со што стана прв играч во историјата на НБА што на два меча во низа реализирал вкупно 100 поени, 30 скокови и 15 асистенции…
Кливленд го претрпе само четвртиот пораз сезонава откако овој тим загуби на гостувањето против Мајами со 122-113. Тајлер Хиро со 34 поени и 7 асистенции го предводеше Мајами до победата, додека Гардланд со 23 беше најефикасен кај Кливленд, кој со скор 21-4 останува најдобар тим во НБА-лигата.
ЛА Лејкерс и без помошта на Леброн Џејмс стигна до триумф на дуелот со Портланд од 107-98. Во главна улога беше Дејвис со 30 поени и 11 скокови, а одлична игра прикажа и Расел со 28 поени и 14 асистенции.
Резултати НБА:
Атланта – Денвер 111-141, Мајами – Кливленд 122-113, Орландо – Феникс 115-110, Сан Антонио – Њу Орлеанс 121-116, Вашингтон – Мемфис 112-140, Голден Стејт – Минесота 114-106, ЛА Клиперс – Хјустон 106-117, Сакраменто – Јута 141-97, ЛА Лејкерс – Портланд 107-98.
Nikola Jokic nelle ultime 24 ore: 104 punti, 30 rimbalzi, 16 assist.
Per la precisione 56 punti, 16 rimbalzi e 8 assist ieri notte contro Washington, e 48 punti, 14 rimbalzi e 8 assist poche ore fa sul campo di Atlanta.
È la prima volta nella storia che un giocatore mette insieme… pic.twitter.com/UlpuCoeZPS— La Giornata Tipo (@parallelecinico) December 9, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
