Челси со фантастичен пресврт стигна до триумф над Тотенхем, по што лондонскиот тим го мина Арсенал и сега е осамен на второто место на табелата зад лидерот Ливерпул.
„Горд сум на моите фудбалери… знаете дека бев оптимист кога доаѓав, но ова е над моите очекувања. Што се однесува на играта со топка, играта без топка, резултатите… се е фантастично“, изјави Мареска.
Италијанскиот стратег сепак одбива неговиот тим да се споменува во трката за титулата, иако зад себе на табелата ги има Арсенал, Манчестер Сити, Манчестер Јунајтед…
„Арсенал, Сити и Ливерпул најверојатно не прават грешки како оние што ги направи Кукурелја… Да бидам сериозен, не сме подготвни. Секако дека ќе дадеме се од себе, сакаме да победуваме што повеќе, но реалноста е дека сме далеку од овие тимови кои во минатото веќе се бореле за големиот трофеј. Нашиот фокус е да напредуваме од ден на ден, да играме убав фудбал и да им носиме радост на навивачите“, порача Енцо Мареска.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
