Стоперот на Тотенхем, Кристијан Ромеро ја критикуваше управата на клубот по поразот во градското дерби против Челси. Неговиот тим имаше предност од 2-0, но на крајот загуби со 3-4 што наиде на незадоволство кај Аргентинецот.
Во интервју за шпанска телевизија кое прво беше емитувано, а потоа повлечено причината за лошите резултати во последните години Ромеро ги најде во раководните лица, а не фудбалерите и тренерите кои се менуваат постојано.
„Манчестер Сити се натпреварува секоја година, гледате дека Ливерпул се засилува. Челси се засилува, не му одеше добро, но се засили и сега гледате резултати од тие засилувања. Тоа се работи кои ние треба да ги имитираме. Морате да сфатите дека нешто не е во ред, се надевам дека управата ќе го сфати тоа.
Последните неколку години постојано иста приказна – прво се менуваат играчите, потоа тренерот, а истите луѓе се уште се одговорни. Се надевам дека ќе сфатат кој навистина е одговорен и ќе тргнеме напред, бидејќи ова е фантастичен клуб. Со постоечката структура би можеле многу лесно да се бориме за титула секоја година“, изјави Ромеро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
