Кошаркарите на Панатинаикос беа демолирани во Истанбул од Ефес 93:67 во натпреварот од 15. коло на Евролигата, а интересна порака на својот тим испрати претседателот на клубот Димитрис Јанакопулос.
По срамот, претседателот на актуелниот европски шампион на својот Инстаграм профил објави приказна со цртеж на зелен автобус, кој алудира на враќањето на неговите кошаркари во Атина.
Нешто слично се случи и кога „зелените“ загубија од Фенербахче, а претседателот потоа на сите им ги откажа авионските билети и го принуди тимот да се врати со автобус.
Тренерот на Панатинаикос, Ерган Атаман на прес-конференцијата по мечот проговори за таа можност.
„Јас како што знам, во 11:50 часот имаме лет по распоред“, рече Атаман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
