Одличната форма на Челси продолжи и во 16. коло од Премиерлигата во кое „сините“ на „Стемфорд Бриџ“ стигнаа до нов триумф совладувајќи го Брентфорд со 2-1 со што се зацврстија на втората позиција на табелата, само четири бода зад лидерот Ливерпул.
Одличната форма и пожртвуваната игра им дава надеж на навивачите на Челси дека тимот може да ја врати премиерлигашката титула во своите редови, но тренерот Мареска ги смирува страстите. Според него тимот се уште не е подготвен за титула.
„Мораме да бидеме реални. Не се работи за тоа колку победи имаме. Има работи што треба подобро да ги правиме. Затоа се уште не мислам дека сме подготвени да ја освоиме титулата. Навивачите можат да сонуваат, но ние во клубот мора да бидеме реални“, изјави Мареска нагласувајќи дека тимот има проблем во одбраната каде пречестите грешки носат противнички голови.
„Мислам дека другите тимови, кои знаат да освојуваат титули, не примаат голови како што ние ги примаме“
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
