Меѓународната Агенција за тестирање (ИТА) неодамна објави дека борачот Зураби Датунашвили, Грузиецот кој има српско државјанство од 2018 година и настапува за Србија, е суспендиран поради манипулирање со примероци од урина. Како резултат на тоа, сите негови резултати од мај 2021 до април 2023 година треба да бидат поништени, вклучувајќи го и бронзениот медал освоен во борбата против Хрватот Иван Хуклек, член на боречкиот клуб Сесвете, кој се бореше со него за бронза на Олимписките игри во Токио 2021 година.
Ова го соопшти претседателот на Хрватска, Зоран Милановиќ кој откри дека медалот на Србија најверојатно ќе припадне на Хрватска.
„Денес слушнав дека правел манипулација примерок од урина и како се чува осум години и како измамниците и шарлатаните мораат да се плашат. Со рака и тупаница на фер-плејот, тоа се случи. И затоа нашиот спортист ќе го заработи медалот“, изјави Милановиќ.
Датунашвили се пензионираше минатата година поради здравствени причини. Покрај тоа што ќе ги загуби сите достигнувања од мај 2021 до април 2023 година, Датунашвили имал и правни проблеми во Грузија. Бил уапсен во родниот град Тбилиси поради тоа што учествувал во протестите против властите во Грузија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
