Арсенал обезбеди пласман во полуфиналето од англискиот лига-куп откако „топчиите“ вечерва славеа со 3-2 на домашен терен против Кристал Палас. Во главна улога беше Габриел Жезус, откако Бразилецот постигна хет-трик во второто полувреме и ја донесе победата на својата екипа.
Мечот почна со ладен туш за домаќините откако Матета уште во 4. минута ја смести топката во мрежата на Арсенал. Домашниот тим имаше иницијатива, но се мачеше да стигне до израмнуање, па на одмор се замина со предност на Палас од 0-1. Ситуацијата се промени во вториот дел, Едегард влезе во 46. минута и имаше две асистенции, Сака три минути по влегувањето асистираше при голот за 2-1, сите три погодоци дело на Габриел Жезус.
За одбележување е дека Бразилецот при водечкиот погодок за 2-1 беше во мал офајд по додавањето на Сака, но бидејќи во лига-купот нема ВАР технологија тој погодок не беше поништен.
Кристал Палас до крајот постигна и втор гол преку Нкетиа, но тоа бешенедоволно за да се приреди изненадување во оваа лондонска пресметка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
