Њукасл влегува во посакуваниот ритам, па тимот на Еди Хау втор премиерлигашки меч во низа успеа да триумфира со идентични 4-0, овојпат на гостувањето против Ипсвич.
Овој дуел се покажа само како полесен тренинг за гостинскиот тим, пред се благодарение на одличниот Александер Исак кој постигна три погодоци за својата екипа, а еднаш мрежата на Ипсвич ја затресе Марфи.
Нотингем се искачи на третото место на табелата (во пресрет на вечерашниот дуел на Арсенал) откако „шумарите“ како гости славеа против Брентфорд со 0-2. Аина го отвори резултатот во 38. минута, а на почетокот од второто полувреме прецизен беше и Еланга.
Натпреварот меѓу Вест Хем и Брајтон заврши без победник, гостите први поведоа преку Вајфер во 51. минута, а израмнувачкиот гол за „чеканите“ го постигна Кудус.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
