Кошаркарите на актуелниот шампион на Македонија, МЗТ Скопје стигнаа до убедлив триумф на гостувањето во Кавадарци кај Тиквеш од 54-80 во меч од 11. коло во Првата лига.
Во првиот дел домаќините колку-толку му парираа на големиот фаворит, па на пауза клубот од Скопје замина со позитива од само седум поени (33-40). Во вториот дел избраниците на Васко Атанасов уфрлија во повисока брзина.
Го полнеа кошот на противникот буквално од секоја позиција и на крајот стигнаа до убедлив триумф од 54-80. Андреј Магдевски со 24 поени беше прво име во таборот на победникот, додека кај поразените Марјан Младеновиќ заврши со 20 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
