Директорот на спортки прашање на фудбалскиот клуб Партизан, легендата Предраг Мијатовиќ одново отворено говореше за проблемите со кои се соочува славниот српски клуб.
Истите се темалат и на финансии бидејќи долгот на ФК Партизан изнесува 53 милиони евра, откри Мијатовиќ.
„Време е да направиме пресек на сработеното во последните три месеци и да ја претставиме информацијата на јавноста, а пред сè на навивачите на Партизан. Вкупниот долг на фудбалскиот клуб изнесува 53,18 милиони евра. Од нив, Партизан должи 7,25 милиони евра на други клубови – странски и српски. Вкупниот долг кон фудбалери, тренери и други специјалисти изнесува 10,22 милиони евра. Даночниот долг е 22,47 милиони евра. Треба да додадеме и 4,91 милиони евра за фудбалски агенти, кредити во износ од 6,8 милиони евра и други долгови од 1,47 милиони евра. Ова е точната сметка. Нашата проценка е дека до крајот на сезоната овој долг ќе се намали за 3,8 милиони евра.
Од 1 јануари 2017 година досега, Партизан има заработено вкупно 145,81 милиони евра врз основа на спонзорства од јавни компании, државни субвенции, продажба на играчи и приходи од УЕФА. Добивме 11,68 милиони евра од јавни претпријатија, директната државна помош во овој период е над 14 милиони евра, што вкупно изнесува 26 милиони евра. Клубот заработи 81,3 милиони евра од продажба на играчи, а 32,24 милиони евра од УЕФА. Купувањето играчи чинеше 24 милиони евра, а на агентите им беа исплатени 8 милиони евра. Вкупните трошоци, вклучувајќи ги и платите, изнесуваа 33 милиони евра. Ова е сликата на приходите и трошоците од 2017 до крајот на 2024 година.
Не поминува ден без закани за судски спорови од поранешни играчи, агенции и други тужители. Ова е апсолутен хаос. Ангажиравме тројца адвокати кои ќе се обидат да стават крај на овој хаос. Тие работат за 0 евра. Важни се исто колку и фудбалерите. Најголемата катастрофа за мене се судските спорови. Ќе работиме деноноќно, со цел да бидеме први – без разлика дали играме со младинци или со десетмина како Меси и Роналдо. Партизан мора да биде шампион! Премија ќе се дава само за прво место. Најмногу нè загрижува мониторингот на УЕФА, што не е наивна работа. Треба да се движиме во насока на обезбедување средства за успешно да го поминеме мониторингот во октомври.
Ќе треба да бараме помош од државата, нема друг начин, и верувам дека ќе ја добиеме“, изјави Мијатовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
