Кошаркарите на Лос Анџелес лејкерс запишаа нов пораз сезонава во НБА лигата откако синоќа беа поразени од Детроит пистонс на домашен терен со 114-117. Најдобар поединец во таборот на Пистонс беше Малик Бизли со 21 поени.
Кај Лејкерс залудна беше партијата на Леброн Џејмс, кој натпреварот го заврши со трипл-дабл учинок од 28 поени и по 11 скока и асистенции.
До лесни победи минатата ноќ стигнаа Денвер и Далас. Нагетс на домашен терен беа подобри од Феникс со 117-90, додека Далас беше убедлив против Портланд (132-108). Во останатите мечеви од синоќешната понуда: Филаделфија – Сан Антонио 111-106, Орландо – Бостон 108-104, Кливленд – Јута 124-113, Шарлот – Хјустон 101-114, Њујорк – Торонто 139-125, Мајами – Бруклин 110-95, Атланта – Минесота 117-104, Оклахома – Вашингтон 123-105, Мемфис – ЛА Клиперс 110-114, Чикаго – Милвоки 91-112 и Голден Стејт – Индијана 105-111.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
