Божиќ во НБА лигата носи интересни натпревари кои се во атрактивен термин и за публиката во Европа, но дешените дуели помеѓу Њујорк – Сан Антонио (18:00), Далас – Минесота (20:30), Бостон – Филаделфија (23:00), како и оние подоцните помеѓу Голден Стејт и ЛА Лејкерс (02:00) и Феникс – Денвер (04:30) можат да поминат без најголемите ѕвезди.
Така, настапот на Лука Дончиќ, најголемата ѕвезда на Далас на денешниот натпревар е под знак прашалник поради помала повреда и покрај тоа што одигра 30 минути во последната средба против Портланд.
Под знак прашалник е и настапот на Џејсон Тејтум, ѕвездата на Бостон поради болест, истата причина поради која го пропушти и последниот натпревар против Орландо.
ЛА Лејкерс се очекува да бидат сериозно ослабени на дербито на Западот со отсуство на Ентони Дејвис и Леброн Џејмс, најискусните кошаркари во составот.
Феникс пак нема да може да смета на Девин Букер, додека Денвер ќе мора да води битки без Џамал Мареј.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
