Четврти пораз во петтиот натпревар во Премиерлигата за Манчестер Јунајтед. Очигледно ниту Рубен Аморим не успева да ја најде победничката формула за „Црвените ѓаволи“ кои вечерва на „боксинг деј“ загубија од Вулверхемптон со 2-0.
Еден од тимовите кои се бори за опстанок му нанесе нов удар на фаворитот, кој полека се приближува кон опасната зона на табелата.
Првиот гол за „Волците“ го постигна Матеус Куња во 58. минута и тоа директно од корнер совладувајќи го несигурниот Онана.
Пред самиот крај од мечот, Вулверхемптон од противнапад преку Хванг и дефинитивно ја обезбедија победата.
На победата на домашниот тим многу помогна и црвениот картон на Бруно Фернандеш во 48. минута од средбата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
