Манчестер Јунајтед и Јувентус оваа зима може да го направат еден од најбизраните трансфери во историјата. Станува збор за размена на фудбалери во која на „Олд Трафорд“ би пристигнал Душан Влаховиќ, а во Торино би се преселил Џошуа Зиркзе.
Зиркзе го засили Манчестер Јунајтед изминатото лето, но не успеа да се наметне во англискиот фудбал бележејќи прескромни партии за големите очекувања. Влаховиќ пак станува „неподнослив“ за Јувентус, не само поради големата плата, туку и по константните кавги со навивачите кои предизвикуваат големо незадоволство кај самиот клуб.
Платата на Влаховиќ е преголема за Италијанците кои настојуваат да намалат на платите, па овој трансфер би бил во полза на двата клуба.
Зиркзе притоа е добро познат во италијанскиот фудбал од каде воедно и се пресели во Манчестер Јунајтед по успешните настапи за Болоња.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
