Маркус Рашфорд по 20 години поминати во Манчестер Јунајтед оваа зима би можел да ги промени клупските бои. За него повеќе нема место во составот под водство на Рубен Аморим па се е подготвено за заминување од „Олд Трафорд“.
За англискиот репрезентативец постои интерес од страна на големите европски гиганти како ПСЖ, Милан, Наполи и Борусија Дортмунд, но и од и Комо каде тој се наоѓа високо на листата на желби на Цеск Фабрегас, пренесуваат италијанските медиуми.
Комо не е амбициозен како остнатите клубови заинтересирани за неговиот потпис, но има адут во ракавот. Тоа се поранешните соиграчи на Рашфорд, Рафаел Варан со кој ја делеше соблекувалната во Манчестер Јунајтед, а сега служи како амбасадор на клубот, како и Деле Али поранешниот соиграч од репрезентацијата кој е дел од првиот тим.
За Комо не се проблем ниту финансиите па нема да биде изненадување доколку 27-годишникот направи изненадувачки трансфер кој може да му го врати ѕвездениот сјај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
