Кошаркарите на Кливленд го победија Торонто, и само ја потврдија својата одлична серија доаѓајќи до 12-та победа по ред во НБА. Кавалирс дури во последниот период со пресврт го совладаа противникот, кој во последниот период влезе со предност од пет поени разлика, а со исклучок на вториот период, водеше во текот на целиот меч.
Кавси не само што го стигнаа, туку во финишот дојдоа и до солидна предност, со што нивната серија на победи и натаму никој не може да ја сопре.
Дариус Гарланд беше незапирлив кај домашните, кој постигна 40 поени.
Кошаркарите на Голден Стејт со многу мака дојдоа до победа над Детроит со 104-107. Интересно е што Вориорс во последниот период во еден момент имаа предност од 18 поени разлика, но следуваше недозволиво опуштање, што им овозможи на Пистонси да дојдат до дури два поени разлика во финишот, но немаа сила за целосен пресврт и за мало чудо.
НБА, РЕЗУЛТАТИ:
Детроит – Голден Стејт 104:107
Орландо – Минесота 89:104
Кливленд – Торонто 134:126
Далас – Портланд 117:111
Мемфис – Хјустон 115:119
Феникс – Атланта 123:115
Јута – Мајами 92:97
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
