Грем Потер не успеа експресно да го разбуди заспаниот Вест Хем откако лондонскиот клуб загуби со 2-1 на гостувањето против Астон Вила и беше елиминиран од ФА Купот на Англија.
„Чеканите“ за момент се понадеваа дека е свртен нов лист кога Пакета стрелаше прецизно во 9. минута и му донесе предност на гостинскиот состав. Вест Хем доминираше во првото полувреме, но не успеа да постигне и втор гол, по што ситуацијата се промени во вторите 45 минути.
Домаќините презедоа контрола над играта, по што во рок од пет минути постигнаа два гола. Онана беше стрелец на погодокот за израмнување, по што пресвртот беше комплетиран во 76. минута, кога Роџерс стрелаше прецизно на асистенција на Воткинс.
Во вториот меч што беше на денешната програма оа ФА Купот, Викомб како домаќин го совлада тимот на Портсмут со 2-0.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
