Во организација на МТКФ од 10 до 15 јануари во Крушево се одржува зимски карате семинар под водство на Венцислав, Дејан и Аљоша Недеви.
На семинарот учествуваат каратисти од повеќе карате клубови од Македонија. МТКФ зимскиот карате семинар се воведува повторно по подолга пауза, а од наредната година се планира да прерасне во традиционален и меѓународен карате семинар на кој ќе учествуваат каратисти и од соседните земји.
Истовремено на семинарот ќе се одржат и подготовки, турнир “КРУШЕВО 2025”и полагање за карате појаси.
Оваа година македонските каратисти, според календарот на МТКФ, ќе учествуваат на повеќе меѓународни натпревари, а прв позначаен натпревар ќе се одржи на 8 март во Краков, Полска. Најзначаен натпревар за оваа година ќе биде ЕТКФ европскиот шампионат кој од 30 мај до 1 јуни 2025 ќе се одржи во Неа Мудања, Грција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
