Спектакуларно „Ел Класико“: Барселона го понижи Реал и го освои Суперкупот на Шпанија! (ВИДЕО)

  • Екипа
  • 12.01.2025 / 22:08
  • СПОДЕЛИ:

Спектакуларно „Ел Класико“ во Суперкупот на Шпанија во Џеда! Во уште еден неверојатен дуел меѓу европските гиганти, Реал Мадрид и Барселона, во финалето на шпанскиот Суперкуп, каталонскиот тим и вторпат сезонава ги понижи „кралевите“ сега победувајќи со 2-5 за освојување на трофејот во Суперкупот!

А, финалето почна одлично за тимот на Карло Анчелоти… Но само кратко…

Килијан Мбапе по само пет минути го доведе Реал Мадрид во водство, и со тоа, се чини, само ги налути фудбалерите на Барселона.

Веќе во 22. минута Каталонците израмнија со голот на тинејџерската супер-ѕвезда Ламин Јамал.

Барселона во 35. минута доби и пенал, а Роберт Левандовски беше прецизен од белата точка за 1-2.

По само три минути и Рафиња стрелаше за водство од 1-3, а пред полувремето беше веќе и 1-4 со голот на Балде.

Во второто полувреме во 48. минута Рафиња повторно стрелаше и за неверојатни 1-5.

A, откако Шчесни во 56. минута заработи црвен картон поради старт надвор од својот шеснаесетник, веќе од слободниот удар Родриго одлично стрелаше од 18 метри за 2-5.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...