НБА лигата ги објави стартните петорки за годинашниот „Олстар натпревар“ кој ќе се одржи во Сан Франциско од 15. до 17. февруари.
Српскиот центар Никола Јокиќ е е предводник на тимот од Западната конференција. Тој по седми пат ќе учествува на еден Олстар натпревар, а стартери во неговиот тим ќе бидат и Леброн Џејмс од ЛА Лејкерс, кој ќе учествува на Ол-стар натпреварот по рекорден 21 пат, Шеи Гилџес-Александер од Оклахома Сити, Стивен Кари од Голден Стејт и Кевин Дурант од Феникс.
Тимот од Источната конференција ќе го предводи Јанис Адетокумбо од Милвоки, кој доби најмногу гласови од навивачите втора година по ред, Карл-Ентони Таунс и Џејлен Бренсон од Њујорк, Донован Мичел од Кливленд и Џејсон Тејтум од Бостон.
Agree with the 2025 #NBAAllStar Starters? ⭐
Who would be in your starting five for both conferences? 🤔 pic.twitter.com/Res6i3UJv3
— NBA on ESPN (@ESPNNBA) January 24, 2025
Како што е вообичаетно, стартерите се избираат врз основа на системот, 50% гласови на навивачите, 25% гласови на медиумите и 25% гласови на играчите. Останатите 14 учесници на Ол-стар ќе бидат избрани од тренерите, а одлуката ќе биде објавена на 30 јануари.
Од оваа година, „Олстар мечот“ ќе има нов формат, со три одиграни натпревари, 24 играчи поделени во три тима, а избрани од Шекил О’Нил, Чарлс Баркли и Кени Смит. Четвртиот тим ќе го сочинуваат дебитанти и играчи од турнирот „Ѕвезди во подем“. Ќе се одиграат два полуфинални натпревари, а победниците ќе играат во финалето. Натпреварите ќе се одвиваат со брзо темпо, а победник ќе биде тимот кој ќе стигне прв до 40 постигнати поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
