Еден од најатрактивните НБА играчи во историјата, Винс Картер, стана 15. играч на кој неговиот дрес го пензионирале два НБА клуба. Два месеци по Торонто Репторс, каде ја започна својата професионална кариера, бројот 15 беше ставен под покривот на салата на Бруклин Нетс.
Картер беше избран како петти пик на драфтот во 1998 година и ги помина првите пет и пол сезони со Торонто Репторс, младата франшиза што ја стави на кошаркарската мапа со своите одлични игри.
Следните пет и пол сезони ги помина во Нетс, кои тогаш уште играа во Њу Џерси, а потоа ги носеше дресовите на Феникс, Далас, Мемфис, Сакраменто и Атланта. Осум пати беше учесник на Ол-стар натпреварот, еднаш во втората и еднаш во третата петорка во лигата, а беше прогласен и за дебитант на годината. На Ол-стар натпреварот во 2000 година, тој победи на натпреварот во забивање со изведба што сè уште се смета за најспектакуларна во историјата.
Неговата кариера траеше дури 22 години. Тој постигна вкупно 25.728 поени, со што се најде на 22. место на сите времиња. Тој влезе во Куќата на славните во 2023 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
