Тренерот на Арсенал, Микел Артета изјави дека е разочаран што клубот не донесе ниту еден играч во јануарскиот преоден рок, но ја пофали дисциплината во купот на клубот.
Се очекуваше Арсенал да донесе напаѓач откако сезоната на Габриел Жесус заврши откако минатиот месец ги скина предните вкрстени лигаменти на коленото, а Букајо Сака се уште се опоравува од повредата на тетивата.
„Имавме јасна намера, а тоа е дека, секогаш кога ќе се отвори преодниот рок, ќе ги истражуваме можностите да го подобриме нашиот тим со играчи кои можат да имаат влијание. Бевме погодени од повреди и не успеавме да го постигнеме тоа. Разочарани сме, но исто така сме свесни дека сакаме само да донесеме одреден тип на играч и моравме да бидеме многу дисциплинирани со тоа. Мислам дека тоа го постигнавме“, рече Артета, пренесе Би-Би-Си.
Тој додаде дека офанзивната линија треба да биде флексибилна и дека поради повреди можеби ќе треба да пробаат нешто поинаку.
Тројца играчи, Ејден Хевен, Џош Робинсон и Маркињос го напуштија тимот во јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
