Македонскиот суперлигаш Алкалоид уште еднаш со нова доминантна победа над италијански Бриксен од 38-31 обезбеди четвртфинале во Европскиот куп на ЕХФ.
На реванш дуелот во салата „Автокоманда“ во Скопје, избраниците на Кирил Лазаров, откако на првиот дуел го совладаа ривалот со високи 12 гола разлика, денеска низ комбинаторики со составот дојде до нова убедлива победа, и покрај тоа што првото полувреме го добија гостите со 19-20.
Но, во второто полувреме Алкалоид во супер-серија го скрши отпорот на Италијанците и со серија од шест гола во низа дојде до 30-23, што веќе значеше сигурна победа.
Најдобар поединец во редовите на Алкалоид беше Александар Петковски со осум гола, Марко Митев запиша седум гола, додека кај Бриксен, Де Оливеира Кандидо запиша 12 постигнати гола.
Ждрепката за четвртфиналето во Европскиот куп на ЕХФ е закажана за 25 февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
