Спектакуларен гол на Модриќ, 15 минути за Миовски, Реал Мадрид ја реши Џирона (ВИДЕО)

  • Екипа
  • 23.02.2025 / 18:09
  • СПОДЕЛИ:

Реал Мадрид се врати на втората позиција во Ла Лига откако во 25. коло триумфираше со 2-0 против екипата на Џирона.

„Кралевите“ до предност дојдоа благодарение на капитенот Лука Модриќ кој уште еднаш потврди дека неговата класа е вечна.

И на 39 години игра на врвно ниво во кралскиот клуб, овој пат постигнувајќи феноменален погодок во 41. минута со мајсторски шут од 20 метри за 1-0. Сето тоа за овации и од соиграчите, но и од целиот „Сантијаго Бернабеу“ кој и тоа како знаеше да го поздрави ремек-делото на хрватскиот репрезентативец.

Македонскиот репрезентативец Бојан Миовски во игра кај Џирона влезе во 75. минута, но не успеа да се најде во ситуација да му помогне на својот тим да го избегне поразот.

Реал Мадрид до конечните 2-0 дојде со голот на Винисиус во 83. минута по брзиот контранапад и асистенцијата на Мбапе.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


    Се вчитува...