Македонските кошаркари со победа над Полска ги завршија настапите во квалификациите за Евробаскет 2025, за жал уште еден неуспешен циклус во кој не успеавме да ја оствариме големата желба – за првпат по 2015 година да бидеме дел од еден континентален кошаркарски собир.
Денешното издание внесува оптимизам, ако се знае дека ја добивме Полска во меч во кој Димитријевиќ немаше свој ден. Шортс блескаше, но уште позначајни за нашиот национален тим се одличните партии на Маслинко и на Зеќири, двајца играчи кои покажаа и квалитет и карактер, присуство во рекетот и дефинитивно ќе бидат значајни адути на нашиот национален тим во годините што следат.
Непласманот на Евробаскет 2025 воедно значеше и нова селидба во претквалификациите за наредниот Мундобаскет, но оваа победа барем носи надеж за подобро утре. Кошарката со години ни тоне во потпросечност, овој триумф нека го покаже светлото на крајот на тунелот и патот по кој ќе треба да се тргне, со нови и подмладени сили да се сврти нов лист.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
