Средбите на заменик-министерот за спорт Јанис Вруцис со претседателите на Олимпијакос, Панајотис и Јоргос Ангелопулос, како и со шефот на Панатинаикос, Димитрис Јанакопулос, завршија со одлука за продолжување на првенството во Грчката кошаркарска лига.
Потсетуваме дека Димитрис Јанакопулос прво разговараше со Јанис Вруцис, а по напуштањето на канцеларијата на заменик-министерот за спорт, изјави:
„Се одржа многу добар разговор. Сè помина добро. Мислам дека министерот предложи многу фер решение за продолжување на првенството. Првенството мора да продолжи на теренот.“
Неколку часа подоцна, и по долг разговор меѓу сопствениците на Олимпијакос, Панајотис и Јоргос Ангелопулос, и Јанис Вруцис, браќата изјавија: „Се одржа конструктивен разговор во многу добра атмосфера. Беа разменети мислења. Волјата на владата е јасна. Таа сака првенството да продолжи и да заврши. Покажа сериозна желба да преземе мерки за да се спречат слични ситуации во иднина. Имаше одредена тензија меѓу нас, но во добро расположение. На крајот, се договоривме.“
Финалето во плеј-офот моментално е 1-1, и имаше опасност да не се заврши, поради скандалите во вториот натпревар. Третиот натпревар требаше да се игра вечерва, но беше одложен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
