Јасмин Мециновиќ е најново име во таборот на Работнички откако скопскиот прволигаш реши да реагира и да ја засили одбранбената линија пред претстојните предизвици во европските купови.
„Романтичарите“ одиграа потпросечни на последните контролни натпревари, што беше причина за ново активирање на пазарот откако претходно беа ангажирани Кадриу и Асани од Шкупи, како и босанскиот интернационалец Амир Велиќ.
Мециновиќ во последните денови тренираше со тимот на Работнички, а со прикажаното очигледно стори доволно за да биде потпишан договор и да може да настапува за скопскиот тим на претстојниот квалификациски двомеч од Конференциската лига против Торпедо од Белорусија.
Последен клуб на 34-годишниот дефанзивец во Македонија му беше Вардар, а Мециновиќ во текот на својата богата кариера има настапувано и за Беса, Скопје, Пелистер, Струга, Ренова, Македонија ЃП….
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
