Поранешниот сопственик на Далас Маверикс, Марк Кубан верува дека НБА ветераните не треба да ризикуваат повреда настапувајќи на Олимписките игри, место каде што не заработуваат пари и на ова натпреварување треба шанса да добијат млади кошаркари.
„Се жалев за тоа секоја година. Момци одат и играат на Олимпијада, но пари прават НБЦ, ИОК, па дури и ФИБА, а ние ги даваме сите овие кошаркари без пари и имаат можност да се повредат. Сега, немало некоја драматична повреда, но се што треба да знаете е дека ако некој е слободен агент и се повреди, нема да игра, нели?“, започнува Кубан.
Американецот верува дека треба да се следи примерот од фудбалот каде настан со поголема тежина е Светското првенство.
„Во фудбал Олипијадата е за играчи до 21 или 22 години, додека Светското првенство е поголемиот настан. Да го направиме истото. Дајте им шанса на помладите и да направиме едно наше Светско првенство. Замислете колку пари може да се направи од ваков настан и колку можат да заработат играчите“, додава поранешниот сопственик на Далас.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
