Женската репрезентација во Баскет 3х3 ја донесе првата победа на Македонија на ЕМОФ 2025, откако нашите млади кошаркарки по голема борба славеа над селекцијата на Литванија со 14-11.
Македонија настапи во состав Јана Кукунешоска, Дора Алексова, Лара Малиновска и Теодора Мариновска, четирите репрезентативки кои покажаа одлична игра и бодрени од навивачите на теренот пред „Ист гејт мол“ стигнаа до голема победа.
Одбраната и тимскиот дух беа клучни за големата победа, додека во нападот Мариновска постигна пет поени, по четири пати реализираа Малиновска и Кукунешоска, додека Алексова еднаш се запиша меѓу стрелците.
Следен предизвик за нашата репрезентација во 3х3 ќе биде дуел со Германија, селекција што во првото коло ја декласираше Словенија со 21-12.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
